Вернуться   ::AzeriTriColor-Форум:: > Азеритриколор > Азербайджанское общество

Ответ
 
Опции темы Опции просмотра
Старый 19.07.2010, 17:31   #1
Местный
 
Аватар для spectator
 
Регистрация: 02.01.2007
Адрес: Baku
Сообщений: 6,559
Сказал(а) спасибо: 344
Поблагодарили 861 раз(а) в 595 сообщениях
Вес репутации: 79
spectator на пути к лучшему
Мои фотоальбомы

По умолчанию «Rüşvət Azərbaycan xalqının mədəniyyəti, ənənəsidir»

19.07.2010

«Rüşvət Azərbaycan xalqının mədəniyyəti, ənənəsidir»



Ülviyyə Əsədzadə



[INFO]ARAYIŞ
Lütfi A.Zadə 1921–ci il fevralın 21-də Bakıda anadan olub. Atası Rasim Ələsgərzadə İran azərbaycanlısı, jurnalist, anası Fanya Koniman Rusiya yəhudisi, pediatr olub. Lütfi Zadənin 10 yaşı olanda SSRİ lideri Stalinin kollektivləşmə mərhələsi başlayır və Lütfi Zadənin atası ailəsi ilə birlikdə İrana köçür.
Lütfi Zadə İranda böyüyür. 1944-cü ildə ABŞ–a köçür. 1973-ci ildə Lütfi Zadə onu dünyada məşhurlaşdıran qeyri-səlis məntiq nəzəriyyəsini təqdim edir. Evlidir, iki uşağı var.
O, nüfuzlu Koliforniya Berkli Universitetinin professoru, Yumşaq hesablamalar üzrə Berkli Təşəbbüsləri İnstitunun direktorudur.[/INFO]

Məşhur alim, Kaliforniya Berkli Universitetinin professoru Lütfi Zadə AzadlıqRadiosuna müsahibə verib. Müsahibəni təqdim edirik.

- Cənab Lütfüzadə, Azərbaycandakı ictimai–siyasi prosesləri izləyirsinizmi, maraqlanırsınızmı burada baş verənlərlə?

- Maraqlanıram bəli. Amma bizdə burada Azərbaycan haqda tez-tez yazmırlar. «Azərbaycan» jurnalını oxuyuram. Tanışlarımdan tez-tez məlumat alıram, Azərbaycanın Los-Ancelsdəki konsulu Elin Süleymanovla, onun həyat yoldaşı ilə, «Azərbaycan» jurnalının baş redaktoru Betti Bleyrlə telefonla danışıram, məlumatlar alıram.

- Bilirsiniz ki, Azərbaycanda çox adam sizinlə fəxr edir, sizi sevirlər (sözümü yarıda gəzir)…

- Bilirsiniz, mən elə adam deyiləm ki, özüm haqqımda yüksək fikirdə olum, tərifi sevim. Çox sadə adamam mən.

- Sizi bəzən Eynşteynlə, Aristotellə bir sıraya qoyurlar, razılaşırsınızmı bu fikirlə?

- Xeyr, qətiyyən razı deyiləm. Heç vaxt özümü bu səviyyəyə qaldırmaram. Ümumiyyətlə, xoşuma gəlmir məni kiminləsə müqayisə edəndə. Mən sadə adamam.

- Deyilənə görə, hər bir görkəmli alimdə hansısa qeyri-adi xüsusiyyət olur. Sizdə necə?

- Çətindir demək. Mən demək olar ki, normal, adi adamam... Həmişə xəbərlərlə maraqlanmışam. Hələ Bakıda yaşayanda – 6-7 yaşım olanda həmişə «Bakinski rabochi» qəzetini alırdım. Döşəyimin altında həmişə bu qəzet olurdu. Qəzet oxumaq, televiziyaya baxmaq hobbim olub. Ümumiyyətlə, üç hobbim var: əsas - birincisi, fotoqrafiyadır, biri Hi-Fi – radio, səsucaldıcı qurğu və s. Üçüncü hobbim isə xəbərlərdir. Mən həmişə müxtəlif ölkələrdə baş verənlərlə çox maraqlanıram. O cümlədən, Azərbaycanda.

- O zaman yəqin ki, Azərbaycanda baş verənlərlə bağlı təəssüratınız var. Sizinlə müsahibəmiz olacağı barədə internet saytımıza elan qoymuşduq və sualların bir çoxunda oxucularımız Sizdən Azərbaycanın gələcəyini necə gördüyünüzü soruşmağımızı istəyirdilər...

- Bu barədə optimistəm . Optimist olmağıma səbəblərdən biri budur ki, sizin ölkədə güclü liderlər var: prezident İlham Əliyev, rabitə və informasiya texnologiyaları naziri Əli Abbasov, məşhur alim Rafiq Əliyev... Azərbaycan nə Gürcüstan, nə də Ukrayna deyil ki, ölkədaxili qarşıdurmalar olsun. Sizin ölkənizin nefti var, gəlirləri çoxdur. Adambaşına düşən gəlirlər çoxdur. Bundan başqa, mən Azərbaycanda olanda mədəniyyətə yüksək qiymət verildiyini gördüm. Bu, çox mühüm göstəricidir. Azərbaycan primitiv ölkə deyil.

- Siz liderlər haqqında danışdınız. Amma ölkə başçısı İlham Əliyevi «mətbuatın düşməni» hesab edən beynəlxalq təşkilat da var, ölkə daxilində müstəqil və müxalif müşahidəçilər, o cümlədən, bəzi beynəlxalq insan haqları təşkilatları, hətta Avropa Şurası da Azərbaycanda demokratiyanın vəziyyəti ilə bağlı problemlər olduğunu deyirlər, korrupsiyanın səviyyəsinin yüksək olduğunu, azad sözə və jurnalistlərə basqının olduğunu bildirirlər...

- Bilirsiniz, mənim bunların hər birindən xəbərim var. Başa düşürəm bu tənqidləri. İki baxış var: birincilər demokratiyanın olmasını ən vacib məsələ hesab edirlər, ikincilər isə sabitliyin olmasını prioritet sayırlar. Məsələn, Sinqapuru götürək. Sinqapurda Li prezident olanda heç bir demokratiya yox idi, elə indi də yoxdur. Amma Sinqapurda sistem çox yaxşı işləyir və həyat çox yaxşıdır. Bəzən seçim etmək lazımdır: sabitlik, yoxsa demokratiya. Məsələn, Ukraynada sabitlik yoxdur. Onlar hətta parlamentdə əlbəyaxa olurlar.

- Amma Azərbaycanın Konstitusiyasında yazılıb ki, bu ölkə demokratik ölkədir... Və hökumətin tənqidçiləri tez-tez deyirlər ki, bu cür imitasiya ölkə üçün xoş gələcək vəd etmir...

- İranda şah rejimi vaxtı heç bir demokratiyadan söhbət gedə bilməzdi. Sonra şahı devirdilər və demokratik quruluş yaratdılar. Bizdə - İranda demokratiya yarandı. Qəzetlər hər şeyi açıqca yazmağa başladılar, tətillər başladı, xaos baş aldı. Sovet İttifaqını götürək. Totalitar rejim dağıldı və Rusiyada demokratik dövlət yarandı. Amma baxın həyat yaxşılaşdımı? Dəhşətli rüşvətxorluq baş alıb gedir, kəskin təbəqələşmə var.

Təəssüf ki, ölkə demokratiyaya hazır olmalıdır. Demokratiya yaxşı sözdür. Amma ona hazır olmaq lazımdır. Azərbaycanda da müxalifət partiyaları bir-biri ilə qarşıdurma vəziyyətindədirlər. Bəlkə də heç belə demokratiya Azərbaycana lazım deyil.

Kənardan baxanda mənə elə gəlir ki, Azərbaycanda vəziyyət sabitdir. Bəlkə də demokratiyanın vəziyyəti o qədər də yaxşı deyil, amma ölkədə ümumi götürəndə bir irəliləyiş müşahidə olunur.

- Amma belə deyənlər də var ki, bu inkişaf neft gəlirlərinə görədir və müvəqqətidir. Dövlət sağlam özülü olmadığından onun gələcəyi qorxuludur...Məsələn, ölkənin neft gəlirlərindən danışdınız. Amma Azərbaycanda minimum pensiya 75 manatdır...

- Ola bilər ki, neft gəlirlərinin hamısı əhaliyə çatmır. Bu, problemdir. Rusiyaya baxın. Orada vəziyyət dəhşətlidir. Siz Azərbaycanı Gürcüstanla, Özbəkistanla, Qırğızıstanla, Ermənistanla müqayisə edin. Azərbaycanda vəziyyət bu ölkələrdən qat-qat yaxşıdır.

- Amma Gürcüstanda Saakaşvilidən sonra rüşvətxorluğun kökü kəsilmək üzrədir və müşahidəçilər bu ölkənin Qərbə inteqrasiya istiqamətində Azərbaycana nisbətən daha sürətlə getdiyini deyirlər...

- Gürcüstan tamamilə Qərbdən gələn pullar hesabına yaşayır. Bu pullar olmasaydı, gürcülər aclıq çəkərdilər. Orada nümayişlər, qarşıdurmalar səngimir. Saakaşvili diktatordur.

- Bəs Azərbaycan prezidentini necə xarakterizə edirsiniz?

QEYRİ-SƏLİS MƏNTİQ NƏZƏRİYYƏSİ NƏDİR?
Lütfi Zadənin tələbəsi, məşhur alim Rafiq Əliyev «Qeyri-səlis məntiq nəzəriyyəsi» haqqında:
«Min illərlə qərarlaşmış elmi dünyagörüşün əksinə olaraq, Lütfi Zadə öz nəzəriyyəsini əvvəlcə bir fərziyyə olaraq irəli sürmüş, sonra isə sübut etmişdir ki, təbiət və cəmiyyətdə baş verən mürəkkəb prosesləri, xüsusən də, müxtəlif kataklizmləri Aristotelin binar məntiqinə əsaslanan klassik məntiq, riyaziyyat çərçivəsində öyrənmək mümkün deyil.
Qeyri-səlis məntiqə görə, bu və ya digər mülahizənin doğruluq qiyməti iki məntiqi səviyyə - 1 (doğru) və 0 (yanlış) ilə deyil, bu səviyyələr arasında sonsuz qiymətlər çoxluğu ilə təyin edilə bilər. Bu məntiq mütləq hesab olunan nə varsa, hamısını rədd edir (Tanrıdan başqa) - mütləq mənada ağ rəng yoxdur, mütləq mənada qara rəng yoxdur, mütləq mənada sıfır yoxdur.
- Mən İlham Əliyevi diktator saymıram. Mən onu Sinqapurun lideri ilə müqayisə edirəm. Onlar çalışırlar ki, insanları başa düşsünlər, ölkəni aparırlar. O, işıqlı bir liderdir.

- Amma Saakaşvilini diktator hesab edirsiniz?

- Saakaşvili Cənubi Osetiya və Abxaziyaya hücum edəndə heç kimlə məsləhətləşmədi, o bunu özbaşına etdi, o, diktatordur.

- Siz Gürcüstandakı nümayişləri xaos sayırsınız. Amma bu prosesi inkişaf hesab edənlər də var...

- Təcrübə göstərir ki, demokratiya əsasən yaxşı sözdür. Bu, sadə məsələ deyil. Başa düşürəm ki, sizin ziyalılar niyə razı deyillər bu quruluşla. Sovet İttifaqı vaxtı da belə idi, ziyalılar narazı idilər söz azadlığından, quruluşdan. Onlar devirdilər dövləti. İndiki vəziyyət ondakından yaxşıdırmı?

Sizin ziyalıları başa düşürəm. Amma Azərbaycandakı rüşvət kimi problemlər heç də quruluşla bağlı deyil. Bu daha çox millətin mədəniyyəti, adət-ənənəsi ilə bağlıdır. Bu, Azərbaycanda bir ənənədir. İranda da belədir.

- Bəs onda Rusiyada niyə belədir?

- Rusiyada azadlıq verildi, amma ondan sui-istifadə edildi. Sovet hökuməti vaxtı elmə hörmət var idi, alimlərə hörmət var idi. Azadlıq alandan sonra onlar ancaq kazino açmağa başladılar. Bu da demokratiya.

- Dediniz ki, İlham Əliyev işıqlı liderdir. Əgər bir ölkədə siyasi məhbusların olduğu iddia olunursa, söz və sərbəst toplaşmaq azadlığının qorunmaması barədə şikayətlər varsa, o ölkənin lideri haqda necə bu cür yüksək fikirdə olmaq olar? Sizə gələn suallardan birində deyilir ki, İlham Əliyevin qüsurları ola-ola Siz onu belə tərifləyirsiniz?

- Mənim üçün güclü və sabitlik yaradan lider daha üstündür, nəinki söz azadlığına, demokratiyaya daha çox imkan verən, amma ölkədə sabitliyi qoruya bilməyən lider. Rusiyada nəhayət ki, ziyalılar qalib gəldilər və demokratik dövlət qurdu, amma indiki vəziyyət, xalqın yaşayışı heç də əvvəlkindən yaxşı deyil. Məncə, Azərbaycanda da bu rejim dəyişsə və demokratiya olsa, həyat indikindən yaxşı olmayacaq.

- Nəyə əsaslanıb deyirsiniz bunu?

- Təəssüf ki, hər şey belə asan deyil. Mənim proqnozum belədir.

- Onda Siz nə təklif edirsiniz? Daha çox azadlıq üçün mübarizə aparmağın əhəmiyyəti yoxdurmu? Əgər söz azadlığı təmin olunmursa, onda hökumət səhvlərini necə düzəldəcək, inkişaf necə baş verəcək?

- Bir qədər söz azadlığı vermək olar. Amma ciddi dəyişiklik lazım deyil. Proqnozum belədir ki, adamlar bu azadlıqdan sui-istifadə edəcəklər, iğtişaşlar yaranacaq. Mən bu çox ölkələrdə görmüşəm bunu başa düşürsünüz?! Adamlar demokratik sistemdə yaşamağa hazır deyillər, onlar buna hazır deyillər sadəcə olaraq. Nə İranda hazır deyillər, nə Azərbaycanda.

- Bu, islamla bağlıdır, ya necə?

- Bu, bir çox səbəblə bağlıdır. Qorbaçov heç nə başa düşmürdü. O anlamadı ki, 500 günə demokratiya gətirmək mümkün deyil. Ölkəni dağıtdı.

- Amma İran ki Sovet hökumətinin daxilində deyildi, bu ölkəylə Azərbaycanı niyə bir tutursunuz?

- İranda da demokratiyadan sui-istifadə etdilər. Orada da vəziyyət yaxşı deyil.

- Bəlkə səbəb Şərqdir?

LÜTFİ ZADƏ MİLLİ MƏNSUBİYYƏTİ HAQQINDA
Müsahibələrindən birində Lütfü Zadə deyir ki, o, millətçilikdən uzaqdır, həyatda bundan da dərin məsələlər var: «Məsələ bu deyil ki, mən amerikalıyam, rusiyalıyam, azərbaycanlı, iranlı, ya da başqa xalqdanam.
Mən bu xalqlardan formalaşmışam və özümü onların hər birinin arasında rahat hiss edirəm.
İstədiyinə doğru inadla getmək. Çətinlikdən qorxmamaq. Bu, daha çox Türk ənənəsidir. Bu, mənim xarakterimin tərkib hissəsidir. Mən çox inadkar ola bilirəm. Bu, yəqin ki, «Qeyri–səlis məntiq nəzəriyyəsi»ni inkişaf etdirmək üçün mənə faydalı oldu».
- Bəli, Şərqdir. Baxın Qırğızıstana. Orada nə iğtişaşlar baş verdi. Azadlıq var, amma sakit həyat yoxdur. Ona görə də hələlik insanlara bu qədər azadlıq vermək lazım deyildi, bunun üçün zamana ehtiyac var idi. Bəlkə də 50 il lazımdır ki, insanların mədəniyyəti dəyişsin.

- Məsələn, rüşvətlə mübarizə aparan olmasa, bu haqda azad mətbuat yazmasa, adamlar etiraz etməsələr, hakimiyyət niyə rüşvətin kökünü kəsməlidir axı. Bu, ona sərf edir axı. Zamanla vəziyyət lap pisləşməyəcəkmi?

- Bu, çətin sualdır. Bir yanaşma budur ki, rüşvəti ləğv etmək üçün Çindəki kimi güllələmək lazımdır. İkinci yanaşma isə zamana bağlıdır. İnsanların təhsil səviyyəsi yüksəlməlidir, səviyyə qalxmalıdır.

- Sizin dediklərinizdən belə başa düşdüm ki, hər iki halda bu, hakimiyyətlə bağlı məsələdir. Yəni, hər iki yanaşmanızda tədbiri hökumət görməlidir.

- Bilirsiniz, kənardan baxıb qiymət vermək, çıxış yolu göstərmək çətindir. Əməkhaqlarını qaldırmaq da bu vəziyyəti düzəldə bilər. Səbr etmək lazımdır.

- Yəni, əlini əlinin üstünə qoyub gözləməkmi?

- Vaxt keçdikcə, adamlar kimə səs vermək lazım olduğunu daha yaxşı biləcəklər, təhsil səviyyəsi qalxacaq, həyat səviyyəsi qalxacaq.

- Özünüzü şanslı adam hesab edirsinizmi? Azərbaycanda doğuldunuz, İranda böyüdünüz, amma ömrünüzü bu ölkələrdə davam etdirmədiniz?

- Azərbaycanın mənim qəlbimdə xüsusi yeri var. Bu ölkəni 10 yaşımda tərk etmişəm, amma xatirələrim çox yaxşıdır. Təsəvvür edin ki, bu illər ərzində rus dilini unutmadım. Halbuki, rusca demək olar ki, heç danışmıram.

- Sizə oxucularımızdan gələn suallardan biri budur ki, Azərbaycanı hansı xüsusiyyətinə görə sevirsiniz, hansı xüsusiyyətinə görə yox.

- Azərbaycan mənim doğulduğum ölkədir, təhsilimin bir hissəsini burada almışam. Burada dostlarım var, mən Azərbaycanın istiliyini, mədəniyyətini sevirəm. Sevmədiyim cəhətinə gəlincə...Bu, bir çox ölkələrdə var. Məsələn, İranda sənin valideynlərinin nəçi olması çox vacibdir sənin irəli getməyin üçün. Amerikada isə belə bir problem yoxdur. Əgər sən yaxşı işləyirsənsə, heç bir maneə ilə üzləşməyəcəksən.

- Sizə suallardan biri budur ki, Allaha inanırsınızmı?

- İnanclı insanlara hörmətim var. Ateist deyiləm. Amma bu və ya digər dinə inanan, kilsəyə, məscidə gedən adam deyiləm. Amma Allah adamıyam. İnanclılara böyük hörmətim var.

- Təşəkkür edirəm, müsahibə üçün

- Sağ olun!
Azadlıq Radiosu © 2010 RFE-RL, Inc. | Bütün hüquqlar qorunur
__________________
VOX POPULI VOX DEYIL

spectator вне форума   Ответить с цитированием
Старый 20.07.2010, 10:58   #2
Местный
 
Аватар для Natiq Ceferli
 
Регистрация: 27.04.2007
Адрес: Yasamal
Сообщений: 5,751
Сказал(а) спасибо: 494
Поблагодарили 352 раз(а) в 277 сообщениях
Вес репутации: 70
Natiq Ceferli на пути к лучшему
Мои фотоальбомы

По умолчанию

Dahi Lütfizadədən inciməyin!

20 July 2010

Camaat, dahi Lütfizadədən inciməyin! İnsanlığın əsl, həqiqi, gerçək və müdrik öndərlərindən olan bu böyük şəxsin bu günlərdə dediyinin mənası sadəcə odur ki, İlham Əliyevin niyyəti xoşdur və, ən əsası, o, ölkəni bacardığı kimi idarə edir. Rejimin yüngülçəkili söyücülərinin böyük hissəsi isə beş-altı il öncə İlhamı az qala sevirdilər və ona səs vermişdilər! Digər tərəfdən, rejimin 1993-dən bəri elə dar zehnli tənqidçiləri var ki, adam onları düşünəndə ya bu ölkədən baş götürüb qaçır, ya da “mına da şükür” deyib şaha itaət edir, ya da ümidsiz görünən dava açır.
Qayıdaq Lütfizadəyə. Yəqin bilirsiz, Amerikada ötən əsrin əvvəllərində barlarda pianoçunun başı üstündə lövhə qoyurdular: “Atəş açmayın, bacardığı kimi çalır”. Mən də o fikri həyat qabiliyyətli sayıram ki, İlham Əliyevin niyyəti yaxşıdır və ölkəni bacardığı kimi idarə edir. Ancaq hətta belə isə, ölkədə ədalətin hökm sürdüyü haqda və ya heç olmasa ədalətli quruluşa doğru getməyimiz haqda burada yaşayan insanlarda möhkəm inam yaratmaq işi onda alınmır.
Çünki inamı sözlər və anekdotlaşan “quruculuq fəaliyyəti” yaratmayacaq. Vətəndaşlar 300-500 nəfərlik məhkəmə heyətinə “adam kimi işləyin” deyə bilməyən dövlət başçısı haqda nə düşünsün? Söhbət axı kütləvi cəzadan getmir! 20-30 hakimin nümunəsində hamı görsə ki, niyyət sadəcə yaxşı deyil, həm də ciddidir, bir gün içində məhkəməmiz 100 ilin yolunu keçər.
Vergidə nə qədər qaniçən işləyir? Olsun iki min. İş adamlarına nədən işgəncə verirlər? 10-15-20 minlik daimi rüşvətlərdən yaranan parallel vergi sistemi neftlə zəngin ölkənin nəyinə lazım?
Gömrük. Eyni. Qiyməti nisbətən yüksək olan idxalı heç demirəm – adi hava limananda “yaşıl xətti” sərbəst keçməyə imkan verməyən gömrük cındırlığına görəmi insanlar İlham Əliyevin dövlətini bəyənməlidirlər?
Sahələrin adını bir-bir çəksəm, uzunçuluq olar.
Bütün bunların fonunda İlham Əliyev şəxsən zənginləşir. Düzdür, vətəndaşımız da 10 il əvvəlkindən daha varlıdır, amma bu varlanmanın kökdə sağlam olmadığını anlayan ağıl və iqtisadi bilik sahiblərinin gözündə İlham Əliyev necə yüksələ bilər?!
Başa düşürəm, lap bəd ayaqda, rejim tərəfdarları deyə bilər ki, Azərbaycan birdən-birə çox səliqəli siyasi və iqtisadi sistemə malik dövlət kimi özünün təsdiq eləsə, Güney Azərbaycan üçün bayrağa çevriləcək və onda Tehran rejimi biz bilmədən bizə qarşı təxribatlara başlayacaq. Rusiya da belə. Amma axı siyasətçini böyük edən onun yeni, daha mürəkkəb problemlərə cavab vermək qabiliyyətidir! Onlardan qorxan daim keçmişdə qalacaq.
Lütfizadənin azadlığa baxışında müdriklik vardır. İndi iyuldu – Qırğızstanda Bakiyevi apreldə vəzifədən atanda, bəzi “müxalif” siyasilərimiz deyirdi ki, biz də elə hadisələr istəyirik. Zövq alırdılar hələ ardını öncədən görmədikləri işlərdən. Onda bağırırdım ki, ay “ağıllı” insanlar, gözləyin, Qırğızstan millət deyil, bizə örnək ola bilməz. Sonra orada bir milyon qaçqın əmələ gəldi, iki min dinc sakin öldürüldü. Daha o siyasilərimizin bu haqda səsi də çıxmır!!! Görək, hansı birisini bu qısa düşüncələrinə görə məsuliyətə çəkə bilərsiz? Hər nə, narıncı idiotlarımızın başına soyuq intellekt duşu yağdırdığına görə Lütfizadəyə təşəkkür edirəm.
Eyni zamanda, alim Lütfizadə “onun fırlandığını” hamımızdan yaxşı anlayır. Lütfiadə sadəcə böyük və müdrikdir. 1980-1990-lardakı milli azadlıq hərəkatımızın başçıları doğru və dəyərli işlərilə yanaşı, çox daha təcrübəli olan Ziya Bünyadovu, Zərdüşt Əlizadəni qaraguruhçuluğa salıb onların dediklərində olan bəzi əhəmiyyətli fikirlərin xalqa çatmasının qarşısını aldılar, nəticədə millətimiz ciddi faciələrlə üzləşdi. Ona görə indi də marginal narıncguruhçulara imkan vermək olmaz ki, Lütfizadənin sözündəki müdrik notları xalqa başqa cür təqdim eləsinlər.

http://cumhuriyetci.biz/?p=1694
__________________
http://natiqceferli.blog.ru/

Natiq Ceferli вне форума   Ответить с цитированием
Ответ


Здесь присутствуют: 1 (пользователей: 0 , гостей: 1)
 
Опции темы
Опции просмотра

Ваши права в разделе
Вы не можете создавать новые темы
Вы не можете отвечать в темах
Вы не можете прикреплять вложения
Вы не можете редактировать свои сообщения

BB коды Вкл.
Смайлы Вкл.
[IMG] код Вкл.
HTML код Выкл.

Быстрый переход

Похожие темы
Тема Автор Раздел Ответов Последнее сообщение
Azərbaycan xalq mahnıları thundergirl Музыка Азербайджана и мира 71 14.01.2017 09:46
Afişa -- Bakı mədəniyyət xəbərləri spectator Turan 18 23.11.2009 01:39
İslam Mədəniyyətinin Paytaxtı yoxsa əyləncə?! Placebo Азербайджанское общество 15 04.07.2009 20:07
Azərbaycan kişi adların siyahısı Pan Разное 26 07.02.2008 14:49
Azərbaycan qadın adların siyahısı Pan Разное 23 13.01.2008 23:50


Текущее время: 09:09. Часовой пояс GMT +5.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd. Перевод: zCarot
Rambler's Top100  

Голос Тюркского мира Кавказский полигон