Показать сообщение отдельно
Старый 19.04.2011, 01:52   #92
Местный
 
Регистрация: 02.11.2010
Сообщений: 1,091
Сказал(а) спасибо: 360
Поблагодарили 421 раз(а) в 289 сообщениях
Вес репутации: 19
Travis Bickle на пути к лучшему
Мои фотоальбомы

По умолчанию

Аydın Əlizadə
17 aprel mitinqi: mən dəli olmuşam
Bu yaxınlarda kimsə məni, razılığımı almadan, İctimai Palatanın Facebook topluluğuna salmışdı. Buna görə də orada olan yazıları gözdən keçirirdim. Öncəki mitinqlərinin uğurlu keçdiyindən yazırdılar, bu dəfə tətbirlərinin daha da güclü olacağına söz verirdilər. Buna görə də mən, aprel ayının 17-də getdim Sahil bağına. Orada az sayda polislərlə reportyorları gördüm, onlardan daha az adamları. Heç anlamadım, onlar mitinqçi idilər, yoxsa küçəni keçənlər.
Sabahısı gün girdin Azadlıq və Yeni Müsavat qəzetlərinin sitelərinə. Gördüm ki, sən demə miting baş tutub. Özümə sual verdim ki, ayə mən axmaq olduğumu bilirdim, ancaq dəli olduğumu yox, o boyda mitinq keçirilib, mənsə bunu görmədim.
Dedim, yazıqlar olsun mənə, indi gərək gedim həkimə başımı yoxladım. Ancaq, dəlixanaya getməmişdən öncə dedim bir İctimai Palatanın səhifəsinə girim, görüm mənim dəliliyin nə qədər dərindir?
Ora girən kimi, olmayan mitinqi niyə müxalifət qəzetləri olmuş kimi göstərirlər sorusunu verdim. Dedim ki, indi mənə deyəcəklər ki mən dəliyəm ya da koram, o boyda mitinqi görmədim. Ancaq soruma cavabın yerinə hökümət adamı olduğumu dedilər. Dedim ay bəylər, mən hara, hökumət hara? Heç məni hökumətin yerinə 5 kilometr qalmış yaxına buraxmırlar. Dedim mən bitərəf axmaq bir Azərbaycan vətəndaşıyam.
Sonra gördüm bir nəfər elə bil bir az mən dediyimi doğruladı. Dedim, ayə nə gözəl, deməli mən dəli olmamışam, dəlixanaya getməyəcəyəm. Bundan sonra “Olmayan olayı olmuş kimi göstərirsinizsə, sizə necə inanmaq olar?” sorusunu verdim. Dedilər, öncə 100 nəfər tutulub, orada isə adamlar çox idi. Mən də dedim, bu düzdürsə də, mitinq olmamışdır. Tutulma ilə kiminsə orada dayanması mitinqin keçirilməsi demək deyil. Beləcə heç bir tutarlı cavab eşitmədim.
Sonra sordum niyə partiya başçıları mitinqə gəlmirlər? Dedilər onlar basqı altındadırlar, həmdə o qədər böyük adamdırlar ki, gəlmələri məsləhət deyil. Dedim böyük adam olmağ adını qazanmaq gərəkdir. O ki qaldı onların sıxıntılarına, mən onların acısı ilə bölüşürəm. Ancaq onda gərək istefaya getsinlər, bu yükü daşıyacaq adamlar iş başına gəlsinlər. Nə oldu onda, mitinqə çıxırlar ki, məmurlar 10-illərlə yerlərini tuturlar, özləri isə onlardan fərqlənmirlər. Axırı biri mənumlə razılaşdı.
Sonda, söhbətimin şirin yerində məni bu qrupdan atdılar bayıra. Atan kimi də dedim, ayə, necə olur ki, demokrat adlanan kəslər ən adi fikir mübadiləsi edə bilmirlər, qarşısında olanlara basqı edirlər, sonra onlarla danışanı tullayırlar bayıra? Axı elə bunu hakimiyyətə irad tutub mitinq etmək istəyirlər. Onda yenə də məndə şübhələr oyanmağa başladı ki, bəlkə mən doğrudan da dəliyəm, demokratiyanın nə olduğunu çaş-baş salmıçam? Axır ki, dəlixanaya getmək qərarına gəldim. Çünki mən artıq heç nə anlamıram. Hamı özünü doğru sayır, o cümlədən demokratlar. Belədirsə onda deməli problem məndədir. Gedirəm müayinəyə.
__________________
Now I see this clearly. My whole life is pointed in one direction. There never has been a choice for me...

Travis Bickle вне форума   Ответить с цитированием